Presidenti i Kosovës, Hashim Thaçi, thotë se shanset që Bashkimi Evropian të bindë Serbinë për njohur pavarësinë e Kosovës janë zero.

“Është dëshpëruese që nuk ka asnjë përpjeke nga BE që ta bind Serbinë që ta njoh Kosovën”, deklaroi Thaçi, raporton arbresh.info.

Këto komente ai i ka bërë në një konferencë për medie, pasi ju mohua t’i adresohet qytetarëve të Kosovës përmes Kuvendit të Kosovës.

Ai thotë se gjatë takimeve në Shtetet e Bashkuara të Amerikës në takime shumë të rëndësishme ka kërkuar me vendosmëri konsolidimin ndërkombëtar të shtetit të Kosovës.

“Ishte edhe pritja nga Mike Pompeo, ai shprehu përkrahjen e tij për të arritur marrëveshjen e paqes Kosovë-Serbi”, është shprehur presidenti Thaçi.

Ai e cilësoi si mjaftë të rëndësishëm takimin me Vuçiqin në Uashington në prani të përfaqësuesve zyrtarë të ShBA.

“Takimi në Uashington e lehtëson arritjen e marrëveshjes. Diçka e tillë e munguar për dy dekada të mund të arrihet në Uashington. Ka mbetur të bëhet hapi i fundit  për mbylljen e këtij procesi. Është mundësi unike dhe do të jetë në përputhshmëri me Kushtetutën e Kosovës”, është shprehur presidenti Thaçi.

Në këtë konferencë ai ka përmendur edhe anëtarësimin e Kosovës në Kombet e Bashkuara, por pa saktësuar nëse ka diçka konkrete në lidhje me këtë çështje./arbresh.info/